Բաքվի ճնշմամբ Քնեսեթի օրակարգից հանվել է Հայոց ցեղասպանության ճանաչման մասին նախագիծը
Ադրբեջանի ճնշման ներքո Իսրայելը Քնեսեթի օրակարգից հետ է կանչել Հայոց ցեղասպանության ճանաչման մասին նախագիծը։
Իսրայելական Haaretz-ը գրում է, որ «իսրայելցի պաշտոնյաները վստահեցրել են իրենց ադրբեջանցի գործընկերներին, որ հարցը կհանվի Քնեսեթի օրակարգից»:
Լրատվամիջոցը հղում անելով իսրայելական աղբյուրին, գրել է, որ «վարչապետ Բենիամին Նեթանյահուն արգելափակել է քվեարկությունը, այն բանից հետո, երբ Ադրբեջանի նախագահի ավագ քաղաքական խորհրդականը կապ է հաստատել նրա գրասենյակի հետ»:
Ավելի վաղ գրել էինք, որ Քնեսեթում կասեցվում է «Առաջին համաշխարհային պատերազմի տարիներին Օսմանյան կայսրության կողմից հայերի նկատմամբ իրականացված բռնությունները ցեղասպանություն ճանաչելու մասին օրինագծի քվեարկությունը»։
Հիշեցնենք, որ այս տարվա հունիսին Իսրայելի կառավարությունը միաձայն հաստատել է Հայոց Ցեղասպանությունը ճանաչող օրինագիծը՝ Իսրայելի արտգործնախարար Գիդեոն Սաարի նախաձեռնությամբ։
Սակայն այն դեռ պետք է ընդունվեր Իսրայելի խորհրդարանի՝ Քնեսեթի կողմից, որպեսզի օրենք դառնար։
Նախաձեռնությունն առաջ քաշվեց իսրայելա-թուրքական հարաբերությունների հերթական սրման փուլում, փորձագետների գնահատմամբ՝ նման օրինագիծ առաջ քաշելն ուղղած էր Թուրքիայի դեմ, այսպես ասած՝ դիվանագիտական հարված Թուրքիային, քանի որ վերջինս Գազայում իրականցվող գործողությունները համարում է ցեղասպանություն Իսրայելի կողմից։
