Արման Անդրեասյանը՝ Եվրոպայի չեմպիոն
Փետրվար 17,2024 21:50
Արման Անդրեասյանը (70 կգ) ոսկե մեդալ նվաճեց Ռումինիայի մայրաքաղաք Բուխարեստում ընթացող ազատ ոճի ըմբշամարտի Եվրոպայի առաջնությունում: Հայ ըմբիշը եզրափակիչում վերջին վայրկյաններին 7-3 հաշվով կամային հաղթանակի հասավ վրացի Ակակի Կեմերտելիձեի նկատմամբ:
Անդրեասյանը փետրվարի 16-ին Եվրոպայի առաջնությունում պայքարը սկսել էր քառորդ եզրափակիչից, որտեղ 6-5 հաշվով հաղթել էր Ֆրանսիան ներկայացնող Սեյֆուլա Իտաևին, իսկ կիսաեզրափակիչում 8-5 հաշվով տպավորիչ կամային հաղթանակի էր հասել Հունգարիան ներկայացնող Իսմայիլ Մուսուկաևի նկատմամբ:
