Հայաստանը Պաղեստինին խաղաղություն և բարգավաճում է մաղթել․ Իրանը շնորհակալություն է հայտնել
Հայաստանը Պաղեստինին խաղաղություն և բարգավաճում է մաղթել Անկախության օրվա առթիվ։ Ի պատասխան՝ Երևանում Իրանի դեսպանությունը շնորհակալություն է հայտնել հայկական կողմին՝ Պաղեստինի ժողովրդի հետ համերաշխության համար։
«Հայաստանը Պաղեստինի կառավարությանը և բարեկամ ժողովրդին մաղթում է խաղաղության հաստատում և բարգավաճ ապագա»,— ասվում է Հայաստանի արտաքին գործերի և միջազգային առևտրի նախարարության՝ X սոցիալական ցանցի էջում հրապարակված շնորհավորանքում։
Երևանում Իրանի դեսպանությունը վերահրապարակել է այս հաղորդագրությունը՝ նշելով, որ Թեհրանը բարձր է գնահատում Հայաստանի համերաշխությունը Պաղեստինի ժողովրդի հետ։
«Իրանը շարունակում է հավատարիմ մնալ Պաղեստինի ժողովրդի ինքնորոշման, ազատության և անկախության անքակտելի իրավունքի աջակցությանը»,— հայտարարել են Իրանի դիվանագիտական ներկայացուցչությունում։
