Բնական աղետի հետևանքով առաջացած խնդիրներն ու մարտահրավերները. բանավեճ-քննարկում Ալավերդիում
Սեպտեմբեր 18,2024 21:00
«Մարզային կյանքն իրականում» նախագծի հերթական բանավեճ-քննարկումը տեղի ունեցավ Լոռու մարզի Ալավերդի քաղաքում, որի ընթացքում քննարկվեցին բնական աղետի հետևանքով առաջացած խնդիրներն ու մարտահրավերները, նաև տուժած բնակիչների կրած վնասների փոխհատուցման ընթացքին վերաբերող հարցեր:
«Թիմ Ռեսուրս» ՀԿ–ն և RegionsTV-ն հրավիրել էին բոլոր մտահոգ և պատասխանատու քաղաքացիներին, տուժած բնակիչներին և պատասխանատու պաշտոնատար անձանց, որոնք մասնակցեցին բանավեճ–քննարկմանը, բարձրաձայնեցին և վերլուծեցին աղետի գոտում կուտակված խնդիրները։ Բանավեճ-քննարկման թեմաներն էին՝ հնարավոր բնական աղետների կանխարգելման միջոցները, իրավիճակն աղետի գոտում և տուժած անձանց կրած վնասների գնահատումն ու փոխհատուցման գործընթացը:
