Կրասնոդարի մարզիչը խոսել է Սպերցյանի հնարավոր փոխարինման մասին
«Կրասնոդարի» գլխավոր մարզիչ Մուրադ Մուսաևը խոսել է թիմի կիսապաշտպան Էդուարդ Սպերցյանի հնարավոր փոխարինման մասին։ Ավելի վաղ տեղեկություն էր տարածվել, որ խաղացողի նկատմամբ հետաքրքրություն է ցուցաբերում Չեմպիոնշիփում հանդես եկող «Սաութհեմփթոնը»։
«Նախ, նա դեռ ոչ մի տեղ չի հեռացել։ Նրա ապագան իր ձեռքերում է։ Մենք, իհարկե, ցանկանում ենք, որ նա մնա և երկար ժամանակ խաղա մեր թիմում։
Արդյո՞ք կփնտրենք փոխարինող։ Դժվար է ասել։ Հիմա նաև օտարերկրացի խաղացողների սահմանափակման կանոնն է փոփոխվում։ Հաջորդ տարուց, կարծես, այն էլ ավելի է խստացվելու։
Էդուարդը, որպես Ռուսաստանի քաղաքացի, լիմիտի տակ չի ընկնում։ Մենք դեռ չենք քննարկել այդ հարցը։ Եթե կոնկրետ առաջարկ լինի, այդ ժամանակ կմտածենք։ Հիմա դժվար է կանխատեսել, հատկապես, երբ տրանսֆերային պատուհանը մոտ է փակմանը», — ասել է Մուսաևը մամուլի ասուլիսում։
