Էդուարդ Սպերցյանը դադարեցրել է համագործակցությունը գործակալի հետ դեռ ձմռանը․ ինչ է հայտնի
Ինչպես հայտնում է Metaratings.ru-ն, «Կրասնոդարի» ավագ և կիսապաշտպան Էդուարդ Սպերցյանը ձմռանը խզել է համագործակցությունը իր գործակալ Ռաֆայելա Պիմենտայի հետ, որը զբաղվում էր նրա համար եվրոպական ակումբներում տեղափոխման տարբերակներ փնտրելով։
Պիմենտային հաջողվել էր գտնել մի քանի տարբերակ, սակայն տրանսֆերը չէր կայացել տարբեր պատճառներով, այդ թվում՝ երկրների միջև հարաբերությունների և բանկային փոխանցումների բարդությունների։
«Սաութհեմփթոն» տեղափոխվելու հնարավորությունն առաջացել է առանց Պիմենտայի միջնորդության։ Անգլիական ակումբը բանակցություններ է վարել «Կրասնոդարի» հետ, քանի որ ակումբն ու նրա սեփականատեր Սերգեյ Գալիցկին սանկցիաների տակ չեն։
25-ամյա Սպերցյանը «Կրասնոդարի» ակադեմիայի սան է։ Նա 151 խաղում խփել է 48 գոլ և կատարել 36 գոլային փոխանցում։ Ըստ Transfermarkt-ի՝ նրա շուկայական արժեքը կազմում է 25 միլիոն եվրո։
