Հայ ծանրորդները ոսկե և արծաթե մեդալներ են նվաճել միջազգային մրցաշարում
Օգոստոս 31,2025 15:45

Հայաստանի ծանրամարտի տղամարդկանց թիմի անդամներ Դավիթ Հովհաննիսյանն ու Ռաֆիկ Հարությունյանը ոսկե և արծաթե մեդալներ են նվաճել միջազգային մրցաշարում։ Այս մասին տեղեկացնում է ՀԾՖ-ի մամուլի ծառայությունը։
Լեհաստանում կայացած Վալդեմար Մալակիի անվան միջազգային մրցաշարում Դավիթ Հովհաննիսյանը դարձել է ոսկե, իսկ Ռաֆիկ Հարությունյանը՝ արծաթե մեդալակիր։
Հովհաննիսյանը երկամարտում գրանցել է 365 կգ արդյունք, իսկ Հարությունյանը՝ 352 կգ։