14։00-ի դրությամբ օդի որակը չափավոր միջակայքում է, բայց կարող է ռիսկային լինել․ Նոր մանրամասներ
Հոկտեմբեր 11,2025 14:47
Օդի որակը Երևանում չափավոր միջակայքում է, բայց օդի աղտոտվածության նկատմամբ հատուկ զգայունություն ունեցող մարդկանց խմբերի համար կարող է ռիսկային լինել:
Քաղաքապետ Տիգրան Ավինյանը նոր թվեր է հրապարակել․
«14։00-ի դրությամբ՝ Երևան քաղաքի շինհրապարակներում տեղադրված օդի որակի չափման սարքերից ստացված տվյալների համաձայն՝ օդի որակի ինդեքսի միջինացված ցուցանիշը PM2.5-ի համար կազմել է 85.9, ինչը գտնվում է չափավոր միջակայքում։ Օդի որակն այս միջակայքում համարվում է ընդունելի։
Միևնույն ժամանակ օդի աղտոտվածության նկատմամբ հատուկ զգայունություն ունեցող մարդկանց խմբերի համար այն կարող է ռիսկային լինել»։
