Ինտերը Մխիթարյանին նվիրված տեսանյութ է հրապարակել և հայերեն գրառում կատարել
Միլանի «Ինտերը» Facebook-յան իր պաշտոնական էջում հայերեն գրառում է կատարել՝ նվիրված թիմի փորձառու կիսապաշտպան Հենրիխ Մխիթարյանին։
Նոյեմբերի 23-ին կայանալիք միլանյան դերբիից առաջ «ներաձուրիների» մամուլի ծառայությունը հրապարակել է տեսանյութ, որտեղ ներկայացված են Մխիթարյանի խփած գոլերը «Միլանի» դարպասը։
«Դերբիներում խփած բոլոր գոլերը՝ հայկական գնացքի՝ Մխիթարյանի կողմից։ Հետևեք մեզ՝ ավելի շատ Հայաստանի մասին բովանդակության համար», — ասված է տեսանյութին կից գրառման մեջ։
Նշենք, որ տեսանյութում օգտագործվել է Եվրատեսիլ-2025-ի Հայաստանի ներկայացուցիչ Պարգի «Survivor» երգը։
Հիշեցնենք, որ Մխիթարյանը շարունակում է ապաքինվել ձախ ազդրի կիսաջլային մկանի վնասվածքից։ Եթե վերականգնումը ընթանա առանց բարդությունների, նրա վերադարձը խաղադաշտ սպասվում է նոյեմբերի 30-ին։
