Նինան և Շողերը չէին պատկերացնում, որ նույնը ստիպված կլինեն անել Երևանում. «Վավերագրողները՝ Արցախից»
Մարտ 18,2024 15:30
Regions TV-ի «Վավերագրողները՝ Արցախից» շարքի մեր հաջորդ տեսանյութը պատմում է լրագրող, հաղորդավար Նինա Շահվերդյանի և Շողեր Սարգսյանի մասին: Նրանց 9 տարվա ընկերությունը հիմք է եղել Ստեփանակերտում «Ինադու» փոդքաստը ստեղծելու համար:
Չէին էլ պատկերացնում, որ մի օր նույնը ստիպված կլինեն անել արդեն Երևանում, և այլ իրականության պայմաններում կխոսեն ցավոտ թեմաների մասին: Շաբաթը մեկ անգամ հանրության դատին են հանձնում 1-1,5 ժամ տևողությամբ փոդքաստը: Շողերն ու Նինան Ստեփանակերտում՝ ավագ դպրոցում համադասարանցիներ են եղել, ընկերություն են արել, նույն ուրախությունն ապրել ու նույն զրկանքները կրել, հասկացել են մեկ բան… միասին ավելի ուժեղ են:
