Ինչպե՞ս է հրաշալի բնությունը, հյուրընկալությունն ու գինին միավորում զբոսաշրջիկներին Չիվայում
Վայոց ձորի տարբեր համայնքներ զբոսաշրջային նախընտրելի ուղղություններ են դարձել։ Հրաշալի բնությունը, համեղ ուտեստներն ու ընտիր գինին գրավում են շատերին։ Արենի համայնքի Չիվա գյուղում է գտնվում հյուրընկալ օջախներից մեկը՝ «Նորավանք» հյուրատուն-գաստրոբակը, որն այցելուներին առաջարկում է ոչ միայն հարմարավետ հանգիստ, այլև հնարավորություն՝ բացահայտելու Վայոց ձորի բնությունն ու ավանդույթները։
Տնտեսության հիմնադիրները՝ Վարազդատ Ղազարյանը և Հեղինար Հայրապետյանը, տարիների ընթացքում բարեկարգել են տարածքը, ընդլայնել հյուրատունը։ Օրնիբուն աշխատելով՝ ամուսինները նոր հարմարավետ պայմաններ են ստեղծել այցելուների համար:
Այստեղ կարելի է վայելել նաև տեղում պատրաստվող գինին: Ինչպես Regions TV-ի հետ զրույցում նշեց հյուրատան հիմնադիր Վարազդատ Ղազարյանը, տարեկան 1,5-2 տոննա գինի է արտադրում, հյուրասիրում և նվիրում է զբոսաշրջիկներին, ընկերներին ու բարեկամներին։
«Նորավանք»-ում զբոսաշրջիկների սիրելի զբաղմունքներից է սեփական ձեռքերով թոնրի խորոված պատրաստելը և այգուց միրգ-բանջարեղեն հավաքելը:
Տեսանյութը՝ առանց մեկնաբանության։
