Բնակլիմայական անբարենպաստ պայմաններ և աշխատատեղերի պակաս․ ի՞նչն է մտահոգում Մուսայելյանի բնակիչներին
Շիրակի մարզի Մուսայելյան գյուղում բնակվում է 408 մարդ։ Բնակիչների հիմնական զբաղմունքն անասնապահությունն է, ինչպես նաև հացահատիկային և կերային մշակաբույսերի մշակությունը։
Բնակավայրի վարչական ղեկավար Կարեն Վարդանյանը Regions TV-ի հետ զրույցում ընդգծում է, որ մտահոգիչ են բնակչության թվի նվազման և արտագաղթի միտումները։ Ըստ նրա՝ երիտասարդները գյուղից տեղափոխվում են Երևան և այլ քաղաքային բնակավայրեր՝ աշխատանք և ավելի բարենպաստ կենսապայմաններ գտնելու նպատակով։
Գյուղացիները վստահ են՝ եթե Մուսայելյանում ստեղծվեն աշխատատեղեր և մարդիկ հնարավորություն ունենան իրենց ընտանիքի ապրուստն ապահովել տեղում, շատերը չեն հեռանա իրենց ծննդավայրից։
Գյուղում տարբեր ծրագրերով աշխատանքներ տարվում են․ արդիականացվել է արտաքին լուսավորության ցանցը, սալարկվել են գյուղամիջյան որոշ ճանապարհներ։ Սակայն բնակիչների համար ամենակարևոր հարցը շարունակում է մնալ նույնը՝ կհաջողվի՞ արդյոք նաև աշխատանք և ապագայի հեռանկար բերել գյուղ, որպեսզի երիտասարդների աչքը չլինի Մուսայելյանի սահմաններից դուրս։
Մանրամասները՝ տեսանյութում։
