44-օրյա պատերազմի մասնակից Հովհաննեսի արվեստանոցն ու նկարները՝ Գյումրիի սրտում
Օգոստոս 01,2024 11:01
Գյումրեցի դիմանկարչի նկարչարանը հենց քաղաքի սրտում է: Արվեստանոցի պատերի ներքո ստեղծագործելը դժվար է: Փոխարենը քաղաքի կենտրոնը Հովհաննեսը վերածել է մեծ արվեստանոցի:
Ածուխով արված նկարներով հիանում է յուրաքանչյուր անցորդ, զբոսաշրջիկ: Քաղաքը, մարդիկ ու հայացքներն են մոտիվացնում նկարչին: Նպատակը միայն դիմանկարներ կերտելը չէ: Երիտասարդ գյումրեցին ցանկանում է հասնել արվեստի կատարելագործման ու ածուխով նկարել ֆոտոնկարի ճշգրտությամբ, ստեղծել հիպերռեալիզմի ժանրի գործեր:
