Արամ Սարուխանյանի ու Միշա Աբրահամյանի ընտանիքները տեղահանումից հետո հաստատվել են Արմավիրի մարզի Դալարիկ համայնքում: Թողել են իրենց հայրենի Նախիջևանիկն ու Ճարտարը, տները, ամբողջ ունեցվածքը, սակայն ինչպես Արամն է նշում, ամենածանրը սրբավայրերի, հարազատների գերեզմանների կորուստն է:
Արցախի կորստի պատճառների մասին ունի սեփական մեկնաբանությունները: Մինչև վերջին պահը զենքը ձեռքին է եղել, դիրք են պահել մինչև 70 տարեկան բոլոր տղամարդիկ: Վստահ է, որ հետ են վերադառնալու՝ ազատագրելու բռնազավթված հայրենիքը:
