Լոռիում եւ Տավուշում ջրհեղեղից տրանսպորտային միջոցներին պատճառված վնասի փոխհատուցումը սկսվում է․ կառավարությունը ՏԿԵՆ-ին գումար հատկացրեց
Լոռու և Տավուշի մարզերում 2024 թ. մայիսի 25-26-ը տեղացած հորդառատ անձրևներով պայմանավորված ֆիզիկական անձանց տրանսպորտային միջոցներին պատճառված վնասի փոխհատուցման համար կառավարությունը վերաբաշխում է կատարել պետբյուջեում և գումար հատկացրել Տարածքային կառավարման և ենթակառուցվածքների նախարարությանը։
Այս մասին որոշումն ընդունվել է կառավարության այսօրվա նիստում։
Ինչպես հայտնում են վարչապետի աշխատակազմի տեղեկատվության եւ հասարակայնության հետ կապերի վարչությունից, հանրապետական հանձնաժողովն ամփոփել է արտակարգ իրավիճակների հետևանքով ֆիզիկական անձանց տրանսպորտային միջոցներին պատճառված վնասները։
Ըստ այդմ՝ Տավուշի մարզպետի աշխատակազմին անհրաժեշտություն է առաջացել փոխհատուցել՝ 31,240․7 հազ․ դրամ՝ 30 տրանսպորտային միջոցի համար, իսկ Լոռու մարզպետի աշխատակազմին 91,139․4 հազ․ դրամ՝ 161 տրանսպորտային միջոցի համար։
