Աիդա Աղասյանը երեք երեխաների հետ ապրում է Գորիսի Մթնաձոր հյուրանոցի սենյակներից մեկում: Երեխաներից երկուսը ուսանող են: Սենյակի համար վճարում է 120.000 դրամ:
Եւս երկու ամիս կկարողանան մնալ այստեղ, հետո ազատելու են հյուրանոցը: Որտեղ են ապրելու, դեռ չգիտի: Չի կարողանում ոչ աշխատանք գտնել, ոչ վարձով բնակարան: Բնակարանների գներն աճել են:
Գնալով ամեն ինչ ավելի է բարդանում: Պետության աջակցությամբ կացարանի հարցն անգամ չեն կարողանալու լուծել: Այսպիսի տասը ընտանիք է ապրում Մթնաձորում:
Մինա հյուրանոցում եւս ապրում են արցախցիներ, հիմնականում խոցելի խմբեր: Հյուրանոցին չեն վճարում:
Ալլա Ավանեսովան երկու որդիների հետ է ապրում այստեղ: Բնակարան գտնել դեռ չի հաջողվել: Պետական աակցությունից օգտվել են, բայց թոշակ դեռ չի կարողացել ստանալ:
Որոշել է, որ փախստականի կարգավիճակ վերցնել այն ակնկալիքով, որ հնարավոր կլինի վերադառնալ Արցախ:
Փախստականի կարգավիճակ կստանա նաեւ Ստեփանակերտից տեղահանված Վալերի Միրզոյանը: Կրկին ակնկալիքը վերադառնալու հավանականությունն է:
