Ինչպիսի՞ եղանակ է սպասվում հանրապետությունում
Օգոստոս 22,2025 08:30
Oգոստոսի 22-26-ը Շիրակում, Արարատյան դաշտում, Արագածոտնի, Կոտայքի և Վայոց ձորի նախալեռներում, Սյունիքի հովիտներում, ինչպես նաև Երևանում սպասվում է բարձր կարգի հրդեհավտանգ իրավիճակ։
Օգոստոսի 22-26-ը սպասվում է առանց տեղումների եղանակ:
Քամին՝ հարավարևմտյան, 2-5 մ/վ։ Օգոստոսի 21-22-ը և 25-26-ը երեկոյան ժամերին Արմավիրում, Կոտայքի և Արագածոտնի նախալեռներում սպասվում է քամու ուժգնացում՝ 15-18 մ/վ արագությամբ։
Օդի ջերմաստիճանն էապես չի փոխվի։
Երևանում օգոստոսի 22-26-ը սպասվում է առանց տեղումների եղանակ։ Օգոստոսի 22-ին և 25-26-ին՝ երեկոյան, սպասվում է քամու ուժգնացում՝ 14-18 մ/վ արագությամբ։
