Հերթական 25-օրյա վարժական հավաքները կանցկացվեն ապրիլի 1-ից հունիսի 28-ը. կներգրավվի 4799 քաղաքացի
Կառավարությունն իր այսօրվա՝ փետրվարի 29-ի իր նիստում «Վարժական հավաքներ հայտարարելու և դրա ապահովման համար ռազմատրանսպորտային պարտակա¬նություններ ունեցող մարմինների տրանսպորտային միջոցները ներգրավելու մասին» որոշում կայացրեց:
Որոշման նախագծի համաձայն նախատեսվում է 2024թ. ապրիլի 1-ից մինչև հունիսի 28-ը անցկացնել պահեստազորայինների վարժական հավաքներ և ռազմատրանսպորտային պարտակա¬նություններ ունեցող մարմիններից ներգրավել տրանսպոր¬տային միջոցներ:
Վարժական հավաքներին նախատեսվում է ներգրավել մինչև 4799 քաղաքացու, որոնցից 4353-ը՝ շարքային և կրտսեր ենթասպայական կազմերի, 144-ը` ավագ ենթասպայական կազմի, 302-ը` սպայական կազմի պահեստազորայիններ՝ համազորային (մոտոհրաձգային, կապի, հետախուզական, ինժեներական), հրթիռահրետա¬նային մասնագիտություններով:
Սահմանվել է, որ վարժական հավաքների ընթացքում յուրաքանչյուր քաղաքացիներ գրավվում է ոչ ավելի, քան 25 օրացուցային օր ժամկետով:
Նորություններ
