Լուվրից հետո Ֆրանսիայում ևս մեկ թանգարան են կողոպտել
Լուվրից 88 միլիոն եվրոյին հասնող կողոպուտից հետո Ֆրանսիայում ևս մեկ թանգարան են թալանել։ Տեղական լրատվամիջոցները հայտնում են, որ այս անգամ գողերը ներխուժել են երկրի հյուսիս-արևելքում գտնվող Դենի Դիդրոյի թանգարան, գղացել 18-19-րդ դարերում հատված ոսկյա և արծաթյա մետաղադրամների հավաքածուի մի մասը: Արժեքը չի նշվում։
«Le Figaro» թերթը հայտնել է, որ գողության մասին հաղորդվել է երկուշաբթի առավոտյան քաղաքային պաշտոնյաների կողմից։
«Թանգարանի մուտքի դուռը կոտրվել է, ցուցափեղկը կոտրվել է, և այսպես կոչված «թանգարանի գանձի» մի մասը անհետացել է։ Այն ներառում է ոսկե և արծաթե մետաղադրամների հավաքածու, որոնք հայտնաբերվել են 2011 թվականին պատմական «Hôtel du Breuil» շենքի վերանորոգման աշխատանքների ժամանակ, որտեղ գտնվում է լուսավորության փիլիսոփա Դենի Դիդերոյին նվիրված թանգարանը»,-գրում են տեղական լրատվամիջոցները։
«France Info»-ի տվյալներով՝ գողերը, ըստ լուրերի, գործել են ճշգրիտ՝ օգտվելով թանգարանի շաբաթական փակումից և, հնարավոր է, ոգեշնչվելով Լուվրում ընդամենը մի քանի ժամ առաջ տեղի ունեցած աղմկահարույց գողությունից։
