Վաչե Հովակիմյանը` Եվրոպայի պատանիների արագ շախմատի չեմպիոն, Մանվել Առաքելյանը` բրոնզե մեդալակիր
Օգոստոս 07,2025 18:11
Վաչե Հովակիմյանը դարձել է Եվրոպայի մինչև 16 տարեկան պատանիների արագ շախմատի չեմպիոն, հայտնում են Հայաստանի շախմատի ֆեդերացիայից։
Նշվում է, որ Վաչե Հովակիմյանը 9 հնարավորից վաստակել է 7.5 միավոր և մեկ միավորով առաջ անցել երկրորդ տեղը զբաղեցրած մասնակցից։
Մանվել Առաքելյանն էլ դարձել է Եվրոպայի մինչև 14 տարեկան պատանիների արագ շախմատի առաջնության բրոնզե մեդալակիր։
Նա 9 հնարավորից վաստակել է 7 միավոր և կիսել է 1-3-րդ հորիզոնականները՝ լրացուցիչ ցուցանիշներով զբաղեցնելով 3-րդ հորիզոնականը։
