Աստված օրհնի մեր ժողովրդին, մեր Հայրենիքը և մեր սուրբ Եկեղեցին. Միքայել Սրբազան
Այսօր հայ Առաքելական Եկեղեցու Շիրայկի թեմի առաջնորդ Միքայել Սրբազանի ծննդյան տարեդարձն է։ Երեկ էլ նա վիրահատության էր ենթարկվել։ Սրբազանն իրեն այս օրերին բարեմաղթանքներ հղողներին, իր առողջությամբ անհանգստացողներին երախտիքի խոսք է ուղղել.
«Մեծ-մեծ շնորհակալություն և Աստծո բյուր օրհնությունները բոլոր իմ սիրելիներին, ովքեր տարբեր ձևերով և տարբեր եղանակներով շնորհավորեցին նվաստիս ծննդյան տարեդարձը՝ նամանավանդ այս դժվարին օրերի, բանտարկության և վիրահատության ցավը մեղմացնելով:
Մասնավոր շնորհակալություն իմ բախտակից սրբազան եղբայրներներին՝ իրենց բարեմաղթանքների համար:
Խորին հարգանք հիվանդանոցի դիմաց հավաքված սիրելի մարդկանց, ովքեր թեթևացրին հետվիրահատական ցավերը:
Աստված օրհնի ձեզ բոլորիդ, մեր ժողովրդին, մեր Հայրենիքը և մեր սուրբ Եկեղեցին:
Օրհնությամբ՝ Միքայել արքեպիսկոպոս Աջապահյան
27.12.25
184-րդ օր ապօրինի ազատազրկման
