Թուրքիայում «բոյկոտի» կոչ անելու համար ձերբակալվել է 11 մարդ, ևս 5-ի նկատմամբ՝ հայտարարվել հետախուզում
Ստամբուլի գլխավոր դատախազության կողմից ժողովրդին «բոյկոտի» կոչերով դիմելու համար հարուցված հետաքննության շրջանակներում ձերբակալվել է 16 կասկածյալից 11-ը:
Նրանք մեղադրվում են «ատելության և անջատողականության» ու «ժողովրդին ատելության և թշնամության դրդելու» մեջ:
Նշվում է նաև, որ մյուս 5-ն այժմ գտնվում են հետախուզման մեջ:
Հիշեցնենք, որ մարտի 19-ին Ստամբուլի քաղաքապետ Էքրեմ Իմամօղլուի ձերբակալումից հետո Թուրքիայի տարբեր քաղաքներում բազմամարդ ցույցեր են: Այդ օրվանից ի վեր Թուրքիայում հազարավոր մարդիկ դուրս են գալիս փողոց, պահանջում նրա ազատ արձակումն ու բողոքում գործող իշխանությունից: Ցույցերն ու հավաքները հիմնականում ուղեկցվում են ընդդիմադիր և հատկապես «Ժողովրդահանրապետական կուսակցության» (ԺՀԿ-CHP) անդամների մասնակցությամբ և ելույթներով: Ընդդիմադիր թևի տարբեր ներկայացուցիչներ կոչ են անում երկրի ամբողջ տարածքում իրականացնել «բոյկոտի» գործողություններ:
