Թուրքիայում երկու երկրաշարժ է գրանցվել
Հունիս 01,2025 20:48
Թուրքիայի Բինգյոլ նահանգում երկու երկրաշարժ է գրանցվել: Այս մասին հայտնում է Թուրքիայի աղետների կառավարման վարչությունը: 4,4 մագնիտուդով առաջին երկրաշարժի էպիկենտրոնը գտնվել է Կիգի շրջանից 1,57 կմ հեռավորության վրա։ Երկրաշարժի օջախը գտնվել է 7,02 կմ խորության վրա։
Երկրորդ երկրաշարժի ուժգնությունը կազմել է 3,6 մագնիտուդ։ Ստորգետնյա ցնցումների էպիկենտրոնը գտնվել է Կիգի շրջանում։ Օջախը գտնվել է 11,13 կմ խորության վրա։
Նախնական տվյալներով՝ երկրաշարժի հետևանքով ավերածություններ և տուժածներ չկան։
