Goal․ Եվրոպական երկու թոփ ակումբ սկսել են հետաքրքրվել Սպերցյանով
Հունիս 23,2025 17:57
Հայաստանի ազգային հավաքականի և «Կրասնոդարի» կիսապաշտպան Էդուարդ Սպերցյանի ծառայություններով սկսել են հետաքրքրվել նաև եվրոպական գրանդները։ Այս մասին հայտնում է Goal-ը։
Աղբյուրի տեղեկություններով՝ 25-ամյա Սպերցյանը գտնվում է այնպիսի ակումբների ուշադրության կենտրոնում, ինչպիսիք են «Ատալանտան», «Մանչեսթեր Յունայթեդը» և ՊՍԺ-ն։ Միևնույն ժամանակ, Էդուարդի համար պայքարում ֆավորիտը համարվում է Ամստերդամի «Այաքսը»։
Նշվում է, որ «Մանչեսթեր Յունայթեդում» Սպերցյանը կարող է դառնալ Բրունո Ֆերնանդեշի փոխարինողը, որի ակումբային գրանցումը փոխելու մասին լուրերը շարունակում են շրջանառվել։
Transfermarkt-ը հայ կիսապաշտպանի տրանսֆերային արժեքը գնահատում է 25 միլիոն եվրո։
