Այսօր ավերիչ երկրաշարժի 36-րդ տարելիցն է
1988 թվականի Սպիտակի երկրաշարժի հետևանքով 25 հազար մարդ զոհվեց, որից 17 հազարը՝ Գյումրիում, 50 հազար մարդ հաշմանդամ դարձավ, անօթևան մնաց 500 հազարից ավելի մարդ
Այսօր Սպիտակի ավերիչ երկրաշարժի 36-րդ տարելիցն է: 1988 թվականի դեկտեմբերի 7-ին՝ տեղական ժամանակով ժամը 11:41-ին, Հայաստանի հյուսիս-արևմտյան հատվածում տեղի ունեցավ Ռիխտերի սանդղակով 9 բալ ուժգնությամբ երկրաշարժ։
Ստորգետնյա հզոր ցնցումները կես րոպեում ավերածություններ պատճառեցին Հայաստանի գրեթե ողջ հյուսիսային հատվածում՝ Սպիտակում, Լենինականում՝ այժմ՝ Գյումրի, Կիրովականում այժմ՝ Վանաձոր, Ստեփանավանում և մի շարք այլ բնակավայրերում։
Երկրաշարժի ավերիչ հետևանքները՝ 25 հազար զոհ, որից 17 հազարը՝ Գյումրիում, 500 հազարից ավելի անօթևաններ, 50 հազար մարդ հաշմանդամ դարձավ։
Վնասի գոտու մակերեսը 10000 կմ քառակուսի էր‚ որտեղ ապրում էր 1 միլիոն բնակիչ, ավերվեցին 11 քաղաք, 58 գյուղ, տուժեցին 21 քաղաք և 342 գյուղ:
Երկրաշարժի էպիկենտրոնը Սպիտակի մոտ էր՝ Նալբանդ գյուղում՝ այժմ Շիրակամուտ, որի բնակչության մեծ մասը զոհվեց։
Համաշխարհային բանկի գնահատմամբ՝ 1988-ի երկրաշարժից հանրապետության կրած տնտեսական վնասը գնահատվում է 15-ից 20 միլիարդ ԱՄՆ դոլար։
Գյումրիում 22 հազարից ավելի ընտանիք անօթևան դարձավ։ Հանրապետության երկրորդ խոշոր ու մշակութային կենտրոն համարվող քաղաքն հենց այդ ժամանակ դարձավ տնակների՝ դոմիկների քաղաք։
2022 թվականին Փաշինյանի կառավարությունը հայտարարեց՝ մինչև 2027 թվականը աղետին գոտում պետք է ազատվել տնակներից։
Միայն Գյումրիում այսօր մոտ 2500- տնակ կա, իսկ ամբողջ Հայաստանում՝ մոտ 6000։
