Թուրքիայում շարունակում են բողոքի ցույցերը․BBC-ի թղթակցին արտաքսել են իսկ պոկեմոն Պիկաչուն փախչում էր ոստիկաններից
Թուրքիայում շարունակվում են հակառավարական բողոքի ցույցերը Ստամբուլի քաղաքապետ եւ ընդդիմադիր Ժողովրդահանրապետականկուսակցության կողմից Թուրքիայի նախագահի թեկնածու Էքրեմ Իմամօղլուի կալանավորումից հետո։
Շարունակվում են նաև ձերբակալել ու կալանավորել ցույցի մասնակցող համալսարանականներին։
Այս բողոքի ցույցերը լուսաբանող BBC-ի թուրքական ծառայության թղթակից Մարկ Լոուենն արտաքսվել է Թուրքիայից։ Նա, ինչպես հայտնում է Ermenihaber-ը պատմել է, որ մարտի 26-ին իրեն տարել են հյուրանոցից, 17 ժամ պահել և հաջորդ օրը հայտնել, որ արտաքսում են Թուրքիայից, քանի որ նա վտանգ է ներկայացնում հասարակական կարգի համար։
Կատարվածի առնչությամբ Լոուենը նշել է․ «Կալանավորվել և արտաքսվել մի երկրից, որտեղ ապրել ես 5 տարի և մեծ սեր էիր տածում, անասելի մտահոգիչ է: Մամուլի ազատությունը և անաչառ լրատվությունը կարևոր են բոլոր ժողովրդավարությունների համար»:
Բողոքի ցույցերի ժամանակ ;րատվամիջոցներն ուշագրավ դրվագներ են արձանագրել։Նույն աղբյուրի փոխանցմամբ՝ Անթալիայում ընթացող բողոքի ցույցին մասնակցել է նաև հայտնի պոկեմոն Պիկաչուն, որը լայն տարածում է գտել թուրքական մեդիայում և դարձել օրվա թոփ թեմա։
Տարածվել են տեսանյութեր և լուսանկարներ, որտեղ երևում է, թե ինչպես է Պիկաչուն ակցիայի մասնակիցների հետ փախչում ոստիկաններից։ Այդ պահերը դարձել են սոցցանցերի ամենաքննարկվող թեմաներից մեկը և արժանացել են բազմաթիվ մեկնաբանությունների։
