«Տատիկների գործով դատարանը մերժեց քննիչի միջնորդությունը․ Անահիտ Խալաթյանն ազատության մեջ է»․Արսեն Բաբայան
Ընտրակաշառք տալու մեջ մեղադրվող Անահիտ Խալաթյանի նկատմամբ դատարանը որոշեց որպես խափանման միջոց կիրառել վարչական հսկողությունը
Հակակոռուպցիոն քրեական դատարանն այսօր մերժեց քննիչի միջնորդությունը, 3 օր առաջ ձերբակալված 70-ամյա Անահիտ Խալաթյանն ազատ արձակվեց:
Հիշեցնենք, որ Մարտուն Գրիգորյանի ղեկավարած «Մեր քաղաքը» կուսակցությունների դաշինքի ավագանու 25-րդ համարի թեկնածու Անահիտ Խալաթյանը մեղադրվում է Գյումրիի ընտրությունների ժամանակ ընտրակաշառք տալու խոստման համար:
Հակակոռուպցիոն կոմիտեն պահանջել էր նրան տնային կալանքի տակ պահել:
«Տատիկների գործով դատարանը մերժեց քննիչի՝ Անահիտ Խալաթյանի նկատմամբ տնային կալանք կիրառելու միջնորդությունը: Տիկին Անահիտն ազատության մեջ է:
Որպես խափանման միջոց դատարանը կիրառել է վարչական հսկողությունը»,-այս մասին տեղեկացնում է փաստաբան Արսեն Բաբայանը:
Անահիտ Խալաթյանի հետ ձերբակալված 75-ամյա Կիմա Հայրապետյանը դեռևս անազատության մեջ է։ Նա մեղադրվում է ընտրակաշառք ստանալու հոդվածով:
