Իզմիրում տեղի ունեցած պայթյունի հետևանքով զոհերի թիվը հասել է 10-ի
Նոյեմբեր 09,2026 20:22
Թուրքիայի Իզմիր նահանգի մետաղագործական գործարանում տեղի ունեցած ուժեղ պայթյունի հետևանքով զոհերի թիվը հասել է 10-ի, վիրավորբել է 15 մարդ։
Թուրքական լրատվամիջոցների փոխանցմամբ այսօր կեսօրին տեղի ունեցած ուժգին պայթյունից հետո հրդեհ է բռնկվել։
Թուրքական լրատվամիջոցների փոխանցմամբ՝ նախնական վարկածի համաձայն՝ հեղուկ պողպատի ձուլման ժամանակ կամրջային կռունկը պոկվել և ընկել է վառարանի մեջ՝ առաջացնելով պայթյուն։
Ականատեսների պատմելով՝ պայթյունն այնքան ուժգին է եղել, որ սկզբում կարծել են, թե երկրաշարժ է տեղի ունեցել, իսկ գործարանի աշխատակիցներից մեկն էլ այն համեմատել է ռումբի պայթյունի հետ։
