Զարգացման մրցաշար․ Հայաստանի Մ15 հավաքականը հետխաղյա 11 մետրանոցներով հաղթեց Վրաստանին
Մայիս 10,2025 15:35
Զարգացման մրցաշարի խաղային երկրորդ օրը Հայաստանի մինչև 15 տարեկանների ընտրանին մրցեց Վրաստանի իրենց հասակակիցների հավաքականի հետ։
Խաղի հիմնական ժամանակի ընթացքում կողմերը չորոշեցին հաղթողին՝ 2:2:
Հաղթողը պարզ դարձավ 11-մետրանոց հարվածաշարի արդյունքում։ Ուժեղ գտնվեցին հայ ֆուտբոլիստները՝ 5:3:
Հավելենք, որ այսօր խաղադաշտ դուրս կգա նաև Հայաստանի մինչև 14 տարեկանների հավաքականը։ Մրցակիցը կլինի Լատվիան։ Խաղի մեկնարկը 17։00-ին է։
