Ընտրատեղամասերը փակվեցին. Գյումրիում և Փարաքարում քվեարկությունն ավարտվել է
Ուղիղ ժամը 20-ին փակվեցին Փարաքարում եւ Գյումրիում բոլոր ընտրական տեղամասերը, որից հետո սկսվում է քվեաթերթիկների հաշվարկը:
Նշենք, որ ժամը 17:00-ի դրությամբ, Գյումրի համայնքի ավագանու արտահերթ ընտրություններին մասնակցել է 39181 ընտրող կամ ընտրական իրավունք ունեցող քաղաքացիների 35.22%-ը: Համեմատության համար նշենք, որ 2021 թվականի ընտրություններին այս նույն ժամի դրությամբ քվեարկել էր ընտրողների 18,31 տոկոսը:
Արմավիրի մարզի Փարաքար համայնքի ավագանու ընտրություններին, ժամը 17-ի դրությամբ մասնակցել է 9833 ընտրական իրավունք ունեցող անձ կամ ընտրողների 46.90%-ը:
Նշենք, որ Գյումրի համայնքի ՏԻՄ ընտրություններին մասնակցում է 9 քաղաքական ուժ՝ 6 կուսակցություն և 3 դաշինք:
- Քաղաքացիական պայմանագիր» կուսակցություն – ցուցակը գլխավորում է Սարիկ Մինասյանը։
- Հայաստանի կոմունիստական կուսակցություն – ցուցակը գլխավորում է Գյումրիի նախկին քաղաքապետ Վարդան Ղուկասյանը։
- «Ապրելու երկիր» կուսակցություն – ցուցակը գլխավորում է Կարեն Մալխասյանը:
- «Մայր Հայաստան» կուսակցությունների դաշինք- ցուցակը գլխավորում է Կարեն Սիմոնյանը։
- Հայաստանի աշխատավորական սոցիալիստական կուսակցություն- ցուցակը գլխավորում է Արտյոմ Թումանյանը:
- «Եվրադաշինք» կուսակցությունների դաշինք – ցուցակը գլխավորում է Լևոն Բարսեղյանը:
- «Դեմոկրատական այլընտրանք» կուսակցություն – ցուցակը գլխավորում է Արտյոմ Ղարաղազարյանը:
- «Մեր քաղաքը» կուսակցությունների դաշինք – ցուցակը գլխավորում է Մարտուն Գրիգորյանը:
- «Իմ հզոր համայնք» – ցուցակը գլխավորում է պրոդյուսեր Ռուբեն Մխիթարյանը:
Փարաքար համայնքի ՏԻՄ ընտրություններին մասնակցող ուժերն են՝
- «Քաղաքացիական պայմանագիր» կուսակցություն – ցուցակը գլխավորում է Լյուդվիգ Գյուլնազարյանը:
- «Միասնություն» կուսակցությունների դաշինք – ցուցակը գլխավորում է Վոլոդյա Գրիգորյանը:
- «Ազգային առաջընթաց» կուսակցություն – ցուցակը գլխավորում է Դավիթ Մինասյանը
- «Կայունություն» կուսակցություն – ցուցակը գլխավորում է Գոռ Սարիբեկյանը:
Գյումրիում եւ Փարաքարում ընտրական գործընթացը կդիտարկի ՀՀ-ում հավատարմագրված դիվանագիտական և հյուպատոսական ներկայացուցչություններից 29 այցելու։
