Ադրբեջանը պատրվակ է փնտրում առհասարակ չստորագրելու պայմանագիրը. Գ․ Բալասանյան
Սահմանային միջադեպեր հրահրելով՝ Բաքուն ուզում է ճնշում գործադրել Հայաստանի վրա և հայ հասարակության մեջ ստեղծել վախի մթնոլորտ, որ դիմադրության նշույլներ անգամ չլինեն,-REGIONS TV-ի հետ զրույցում նման տեսակետ հայտնեց միջազգայնագետ Գրիգոր Բալասանյանը:
«Ես վստահ եմ՝ այդ կրակոցները ոչ միայն չեն դադարելու, այլև օր օրի ավելի են ուժգնանալու, որովհետև հիմա էլ Ադրբեջանը պատրվակ է փնտրում առհասարակ չստորագրելու այդ պայմանագիրը»,-ընդգծեց Բալասանյանը:
Նա համոզված է՝ պայմանագիրը բեռ է Ալիևի համար, պարտավորութուններ ստանձնել չի ուզում, դրա համար էլ ձգձգում է գործընթացը, Ադրբեջանը որդեգրել է սողացող ինտերվենցիայի մարտավարությունը։
«Բնական է, որ այնպիսի պահանջներ են առաջ քաշում, որոնց իրագործումն այս պահին անհնար է, հետևաբար Ադրբեջանն ունի մեկ նպատակ՝ ձգձգել, չստորագրել, լարվածությունն ավելացնել, օրինակ, Սյունիքի հատվածում, Սյունիքից կտորներ ստանալ առանց քարտեզի, հետո նույնը, ես վստահ եմ, կանի մյուս հատվածներում»,- հայտարարեց միջազգայնագետը:
