Գյումրու ավագանու 4 հանձնաժողովներից 2-ի նախագահներ ընտրվեցին ՔՊ-ի թեկնածուները
Գյումրու ավագանու այսօրվա նիստում ընտրեցին չորս մշտական հանձնաժողովների նախագահներին։
«Քաղաքացիական պայմանագիր» խմբակցությունը Քաղաքաշինության և հողօգտագործման հարցերի մշտական գործող հանձնաժողովի նախագահի թեկնածու առաջադրեց նույն խմբակցության անդամ Շավարշ Արամյանին։
Նա ընտրվեց նշված հանձնաժողովի նախագահ։ Իսկ նրա տեղակալ ընտրվեց «Մեր քաղաքը» խմբակցության անդամ Վարդան Եդիգարյանը։ Ֆինանսավարկային և տնտեսական հարցերի մշտական հանձնաժողովի նախագահի պաշտոնում առաջադրվեց և ընտրվեց Կոմկուսից Գևորգ Ղուկասյանը։ Այս հանձնաժողովի նախագահի տեղակալ ընտրվեց ՔՊ-ից Վահան Դավթյանը։
Իրավական հարցերի մշտական հնաձնաժողովի նախագահ ընտրվեց ՔՊ-ից Էդգար Բաղդասարյանը։
Այս հանձնաժողովի նախագահի տեղակալ ընտրվեց Կոմկուսից Նարինե Մեսրոպյանը։ Մշակույթի, կրթության և սպորտի հարցերի մշտական հանձնաժողովի նախագահ ընտրվեց «Մեր քաղաք»-ը խմբակցության անդամ Սվետլանա Ադամյանը։ Այս հանձնաժողովի նախագահի տեղակալ ընտրվեց ՔՊ-ից Էմմա Բարսեղյանը։
«Տեսեք՝ ինչ դեմոկրատական քաղաքապետարան ունենք»,-արձագանքեց քաղաքապետ Վարդան Ղուկասյանը՝ Նարինե Մեսրոպյանի ընտրությունից հետո։
Կարինե Կազարովա
