Թուրքիայում գրանցվել է երկու երկրաշարժ
Մայիս 12,2025 15:53
Թուրքական Ամասիա նահանգում մայիսի 12-ին տեղի է ունեցել երկու երկրաշարժ՝ 4,2 եւ 4,4 մագնիտուդով։ Ինչպես տեղեկացրել է Թուրքիայի կառավարության արտակարգ իրավիճակների վարչությունը (AFAD), ստորերկրյա ցնցումների, որոնք գրանցվել են տեղի ժամանակով ժամը 12.23-ին եւ 12.26-ին, էպիկենտրոնը գտնվել է Գյումուշհաջիքյոյում։
Երկրաշարժերի օջախը գտնվել է ավելի քան 10 կիլոմետր խորությունում։ Տուժածների եւ ավերածությունների մասին չի տեղեկացվում։
