«Չափազանց կարևոր է, որ հրադադարը հնարավորինս շուտ իրականացվի»․Ստամբուլում մեկնարկել է Ռուսաստանի և Ուկրաինայի միջև բանակցությունները
Ստամբուլում մեկնարկել են Ռուսաստանի և Ուկրաինայի պատվիրակությունների միջև բանակցությունները, հաղորդում են ռուսական լրատվամիջոցները։
Ռուսաստանի և Ուկրաինայի միջև վերջին երեք տարում սա առաջին ուղիղ բանակցություններն են։
Բանակցություններին ռուսական պատվիրակությունը գլխավորում է նախագահի օգնական Վլադիմիր Մեդինսկին։ պատվիրակության կազմում են ՌԴ արտաքին գործերի փոխնախարար Միխայիլ Գալուզինը, ԶՈւ գլխավոր շտաբի հետախուզության գլխավոր վարչության պետ Իգոր Կոստյուկովը և պաշտպանության փոխնախարար Ալեքսանդր Ֆոմինը։
Բանակցությունների բացմանը Թուրքիայի արտգործնախարար Հաքան Ֆիդանը հայտարարել է․«Մինչ պատերազմը շարունակում է մարդկային կյանքեր խլել, չափազանց կարևոր է, որ հրադադարը հնարավորինս շուտ իրականացվի»։
Նա նշել է նաև՝ կարևոր է, որ բանակցությունները հիմք հանդիսանան երկու երկրների առաջնորդների հանդիպման համար:
