Բրուցելոզը շրջանցել է Թորոսգյուղը, սակայն դա միակ մարտահրավերը չէ գյուղացիների համար
Աշոցք համայնքի Թորոսգյուղ բնակավայրը գտնվում է Հողմաջուր գետի աջ ափին, հարակից է Գոգհովիտ, Արփենի, Ցողամարգ բնակավայրերին: Ինչպես համայնքի մյուս բնակավայրերում, Թորոսգյուղում ևս մարդիկ զբաղվում են հիմնականում անասնապահությամբ, մասամբ նաև հացահատիկային մշակաբույսերի մշակությամբ։
Գյուղում կա միջնակարգ դպրոց, բուժկետ, կապի հանգույց, վերանորոգվել է մեկ փողոց։ Սակայն այս տարի սուբվենցիոն ծրագրեր չկան։
Գյուղում աշխատատեղեր չկան, երիտասարդներն անասնապահությամբ զբաղվելու ցանկություն չունեն, և նախընտրում են այլ աշխատանք գտնել Գյումրիում և Երևանում։
Մի շարք խնդիրների պատճառով անասնապահությունը անեկամտաբեր է դարձել։ Վերջին 2-3 տարում Թորոսգյուղում խոշոր և մանր եղջերավոր անասունների գլխաքանակը նվազել է 30-40 տոկոսով։
Մանրամասները՝ Regions TV-ի տեսանյութում։
