Մալխաս Ամոյանը՝ միջազգային մրցաշարի հաղթող
Օգոստոս 05,2025 22:11
Հայաստանի ներկայացուցիչները երեք մեդալ են նվաճել Լեհաստանի մայրաքաղաք Վարշավայում անցկացված հունահռոմեական ըմբշամարտի Memoriał Władysława Pytlasińskiego միջազգային մրցաշարում։
77 կգ քաշային կարգում ոսկե մեդալակիր է դարձել Եվրոպայի քառակի չեմպիոն Մալխաս Ամոյանը։
Սլավիկ Գալստյանը 72 կգ քաշային կարգում նվաճել է բրոնզե մեդալ։ 130 կգ քաշային կարգում բրոնզե մեդալակիր է դարձել Ռազմիկ Քուրդյանը։
Մանվել Խաչատրյանը (60 կգ), Հրաչյա Պողոսյանը (63 կգ), Գոռ Խաչատրյանը (72 կգ) եւ Վիգեն Նազարյանը (87 կգ) մեդալ չեն նվաճել։
