Թուրքիայի և Հայաստանի միջև հարաբերությունների կարգավորումն ընթանում է նախատեսվածի համաձայն. Էրդողան
Սեպտեմբեր 23,2025 22:14
Թուրքիայի նախագահ Ռեջեփ Թայիփ Էրդողանը Նյու Յորքում ՄԱԿ-ի Գլխավոր ասամբլեայի ամբիոնից անդրադարձել է Հարավային Կովկասում վերջին զարգացումներին:
Էրդողանը հիշեցրել է, որ Անկարան ի սկզբանե խրախուսել է Ադրբեջանին և Հայաստանին՝ հասնել խաղաղության:
«Ուրախ ենք, որ օգոստոսի 8-ին ձեռնարկվեցին քայլեր, որոնք կնպաստեն երկու երկրի միջև երկարատև խաղաղության հաստատմանը։ Կրկին շնորհավորում եմ Ադրբեջանի նախագահին և Հայաստանի վարչապետին, նաև ԱՄՆ նախագահ Դոնալդ Թրամփին՝ այս գործընթացին իր ներդրումն ունենալու համար»,- շարունակել է Թուրքիայի նախագահը։
Նա հավելել է՝ Թուրքիայի և Հայաստանի միջև հարաբերությունների կարգավորումն էլ ընթանում է նախատեսվածի համաձայն։
