ԵՄ-ի հետ գործընկերության նոր ծրագիրը կստորագրվի առավելագույնը առաջիկա երեք ամիսների ընթացքում․ Միրզոյան
«Մենք ունենք օրենք, որը պարտավորեցնում է Հայաստանի կառավարությանը նման քաղաքականություն վարել և ձգտել անդամակցել Եվրոպական միությանը։ Ե՞րբ մենք կդիմենք դիմումով, ես չեմ կարող հստակ ասել. գուցե հաջորդ ամիս, գուցե հաջորդ տարի։ Դա կախված է բազմաթիվ գործոններից։ Բայց, ինչպես արդեն ասացի, դա մեր պաշտոնական քաղաքականությունն է։ Այս մասին DW-ին տված հարցազրույցում հայտարարել է Հայաստանի արտգործնախարար Արարատ Միրզոյանը»։
«Իսկ մինչ այդ, պաշտոնական դիմումի ներկայացմանը և Եվրոպական միության պատասխանին չսպասելով, մենք արդեն սկսել ենք աշխատանքը Եվրոպական միության հետ՝ զգալիորեն խորացնելով երկկողմ հարաբերությունները»։
Մենք ունենք Հայաստան-ԵՄ Համապարփակ և ընդլայնված գործընկերության համաձայնագիր։ Եվ մենք արդեն սկսել ենք մուտքի արտոնագրի ռեժիմի պարզեցման գործընթացը։ Ինձ թվում է, այս գործընթացը բավականին հաջող է ընթանում։ Մենք նաև բանակցություններ ենք վարում մի քանի նոր փաստաթղթերի շուրջ և ավարտել ենք գործընկերության նոր ծրագրի վրա իրականացվող աշխատանքները։
Այն կստորագրվի ամենաուշը հաջորդ երեք ամիսների ընթացքում։ Շատ բան է կատարվում Հայաստանի և Եվրամիության միջև։ Եվ դա նույնպես հետաքրքիր է նշել։ Մենք տեսնում ենք, որ Հայաստանի քաղաքացիները պահանջում են, որ մենք ավելի առաջ գնանք։ Եվ մենք նրանցից որոշակի քննադատություններ ենք լսել հնարավոր ուշացումների և երկարատև ընթացակարգերի, ներքին ընթացակարգերի և այլնի վերաբերյալ», – ասել է Արարատ Միրզոյանը։
«Դժվար է կանխատեսել։ Բայց կարելի է ասել՝ երկու տարի։ Մեկից երկու տարին բավականին իրատեսական ժամկետ է», – պատասխանել է ՀՀ ԱԳ նախարարը՝ անդրադառնալով ԵՄ-ի հետ վիզային ռեժիմի պարզեցմանը՝ նման պայմանավորվածության դեպքում։
