Շախմատի հսկաները՝ Վիշի Անանդը, Լևոն Արոնյանն ու Յուդիթ Պոլգարը կմասնակցեն Հայաստանում անցկացվող Շախմատի միջազգային փառատոնին
Աշխարհի հնգակի չեմպիոն Վիշվանաթան Անանդը, բոլոր ժամանակների լավագույն շախմատիստուհի Յուդիթ Պոլգարը և այլ լեգենդար հյուրեր կայցելեն Հայաստան՝ մասնակցելու Շախմատի միջազգային փառատոնին, որը կանցկացվի հեղինակավոր գրոսմայստեր Լևոն Արոնյանի հովանու ներքո՝ 2026թ.-ի հոկտեմբերին։
Այս մասին հայտնում է «Մատենա» բիզնես դպրոցը՝ նշելով, որ միավորում է ուժերը «Մեդիակրատ Ստուդիո»-ի հետ՝ իրագործելու Շախմատի միջազգային փառատոնը Հայաստանում:
Երևանում՝ աշխարհի միակ երկրի մայրաքաղաքում, որտեղ շախմատը դպրոցներում պարտադիր առարկա է, փոքր պետությունում, որը շախմատի հսկա է և օլիմպիադաների բազմակի հաղթող, երկու օր շարունակ ցուցադրական խաղերի, ինտերակտիվ արվեստային ինստալյացիաների և պատմողական հանդիպումների միջոցով կընդգծվի, կխթանվի և կոգեշնչվի ստեղծարարությունը, ռազմավարական մտածողությունը և համայնքի ուժը՝ արժեքներ, որոնք «Մատենան» հետևողականորեն զարգացնում է, նշվում է բիզնես դպրոցի հաղորդագրության մեջ։
