ԵԱ․ Հայ շախմատիստուհիների արդյունքները 5-րդ տուրում
Հունաստանում ընթացող շախմատի կանանց Եվրոպայի անհատական առաջնությունում տեղի ունեցան 5-րդ տուրի պարտիաները։
Էլինա Դանիելյանը պարտվեց վրացի Անաստասիա Կիրտաձեին, Լիլիթ Մկրտչյանը ոչ ոքի խաղաց գերմանացի Ժոզեֆին Հայնեմանի հետ։
Էլինա Դանիելյանն ու Լիլիթ Մկրտչյանը 3,5-ական միավորով բաժանում են 10-31-րդ տեղերը։
Չորս առաջատարներն ունեն 4,5-ական միավոր։
Մարիա Գեւորգյանը պարտվեց լեհ Մոնիկա Սոցկոյին, Մարիամ Մկրտչյանը հաղթեց ֆրանսիացի Ժուլիետ Կորնիլյոյին, Աննա Խաչատրյանը՝ լեհ Կատարժինա Դվիլեւիչին, Սուսաննա Գաբոյանը ոչ ոքի խաղաց թուրք Եկատերինա Աթալիկի հետ։
Մարիա Գեւորգյանը, Մարիամ Մկրտչյանը, Աննա Խաչատրյանն ու Սուսաննա Գաբոյանը 3-ական միավորով բաժանում են 32-57-րդ տեղերը։
Անի Նահապետյանն ու Սոնա Կրկյաշարյանը 2-ական միավորով բաժանում են 80-111-րդ տեղերը։
Եվրոպայի առաջնությունում կանցկացվի 11 տուր։
