Երևանի Ազնավուրի հրապարակում բացվեց Շառլ Ազնավուրի արձանը
Երևանի Ազնավուրի հրապարակում այսօր բացվեց աշխարհահռչակ շանսոնյե Շառլ Ազնավուրի արձանը: Միջոցառմանը մասնակցում էին Երևանի քաղաքապետ Տիգրան Ավինյանը, ԿԳՄՍ նախարար Ժաննա Անդրեասյանը, Ազնավուրի որդին՝ «Ազնավուր» հիմնադրամի հիմնադիր և հոգաբարձուների խորհրդի նախագահ Նիկոլա Ազնավուրը:
Արձանի բացման արարողության ժամանակ Տիգրան Ավինյանը տեղեկացրեց, որ Ազնավուրի արձանի բացումը նախաձեռնվել և ֆինանսավորվել է Երևանի քաղաքապետարանի կողմից:
Երբ հայրս ժամանում էր Երևան, նա կանգ էր առնում այս հրապարակին կից հյուրանոցում և սիրում էր իր պատշգամբից դիտել հրապարակը, որը լեցուն էր կյանքով և պատմությամբ: Այդ մասին Երևանի Ազնավուրի հրապարակում մեծն շանսոնիեին նվիրված արձանի բացման արարողության ժամանակ ասաց Ազնավուրի որդին, «Ազնավուր» հիմնադրամի հիմնադի րև հոգաբարձուների խորհրդի նախագահ Նիկոլա Ազնավուրը:
