Առնետների հարձակումից երեխաներ են տուժել․ Գյումրու անտեսված թաղամասն ու մոռացված բնակիչները
Գյումրու Վարդբաղ կոչվող թաղամասում գտնվող 2 քառահարկ շենքերից մեկը մինչ 1988թ․-ի երկրաշարժը եղել է ռադիոգործարանի հանրակացարանը, մյուսը՝ ուսումնարան։ Երկրաշարժից հետո բնակեցվել են անօթևան ընտանիքներով։
Այստեղի անտանելի պայմաններին չդիմանալով՝ բնակիչներից շատերը հեռացել են։ 2 շենքում 10 ընտանիք է ապրում՝ ծայրահեղ վատ պայմաններում, առանց կոմունալ հարմարությունների։ Մարդիկ ջուրը նկուղից են կրում, սանհանգույցը չի գործում, քառահարկ շենքերի անգամ 2-րդ հարկերն են կաթոցների տակ։
Բնակիչները շարունակ բողոքել են, դիմել պատկան մարմիններին, որ գոնե տանիքն ու ջրակոյուղատար ցանցը նորոգեն, բայց միայն խոստումներ են եղել։
Տարիների անտեսվածության հետևանք է նաև շենքերում առնետների առկայությունը։ Բնակիչների տեղեկացմամբ՝ օրեր առաջ առնետները 1,5 և 3 տարեկան երեխաների վրա են հարձակվել։ Փոքրիկները վարակվել են մաշկային հիվանդությամբ։
Մանրամասները՝ տեսանյութում։
