Ալվանք․ հարավային սահմանապահ գյուղը, որտեղ ջուրն ամենաթանկ բարիքն է
Ալվանք գյուղը 2016 թ․-ի սեպտեմբերից խոշորացված Մեղրի համայնքի մաս է կազմում։
Ալվանքում բնակվում է մոտ 175 մարդ, գյուղն ունի 63 տնտեսություն։ Հիմնականում զբաղվում են այգեգործությամբ և չրագործությամբ։ Նախկինում խաղողի մշակությունն էր տարածված, սակայն, բնակավայրի վարչական ղեկավար Աշոտ Դանիելյանի պնդմամբ, հիմա առավել շատ են թզի և արքայանարնջի այգիները։
Մեր երկրի հարավային սահմանին կից գտնվող այս գյուղում հիմնական մտահոգող հարցը խմելու ջրի սակավությունն է։ Regions TV-ի հետ զրույցում Աշոտ Դանիելյանը հայտնեց, որ անցյալ տարի խորքային հորի շինաշխատանքներ տարվեցին, ջրային մեծ տարա տեղադրվեց, ինչի շնորհիվ կարողանում են յուրաքանչյուր թաղամաս 1-2 ժամով ջուր մատակարարել։ Սակայն դա միայն մասնակի լուծում է։
Ինչ վերաբերում է ոռոգման ջրի մատակարարման բարելավմանը, ապա դրա համար անհրաժեշտ են նոր պոմպեր․ մինչ օրս Ալվանքում օգտագործում են խորհրդային շրջանի հին պոմպերը։
Մանրամասները՝ տեսանյութում։
