«Փոխքաղաքապետի պաշտոնը չենք տա, մյուս պաշտոնները՝ կտանք». Վարդան Ղուկասյան

Վարդան Ղուկասյանը սպասում է Մարտուն Գրիգորյանի որոշմանը, ասում է՝ Մարտուն Գրիգորյանի ազգի, հարազատների հետ հարազատների հետ հարգանք կա, բան կա, ոխերիմ թշնամիներ չեն

Վարդան Ղուկասյանը սպասում  է Մարտուն Գրիգորյանի հայտարարությանը՝ արդյոք կմիանա ընդդիմությանը և կքվեարկի Վարդան Ղուկասյանի՝ որպես Գյումրու քաղաքապետի թեկնածուի օգտին։

Այս մասին այսօր լրագրողների հետ հանդիպմանը հայտարարեց Գյումրու ավագանու արտահերթ ընտրություններին առաջադրված Կոմկուսի քաղաքապետի թեկնածու Վարդան Ղուկասյանը։

«Երեք հարյուր սպարտացիների պես մեր ժողովուրդը կանգնեց ամբողջ պետական ապարատի դիմաց՝ առանց պոնչիկ-պեռաշկի բաժանելու, առանց քսան հազար դրամների, առանց որևիցե մի բանի, այլ՝ գաղափարի շուրջ հավաքվելով և ՔՊ-ին դեմ քվեարկելով կանգնել են իմ կողքին»,-ասաց Վարդան Ղուկասյանը։

Հիշեցնենք, որ ընտրությունների արդյունքների համաձայն՝ Վարդան Ղուկասյանը ՔՊ-ից հետո երկրորդ տեղում է։

Անցողիկ շեմը հաղթահարել են նաև «Մեր քաղաքը» դաշինքը՝ Մարտուն Գրիգորյանի գլխավորությամբ՝ 7 296 ձայն՝ 15,85%, «Իմ հզոր համայնք»-ը՝ Ռուբեն Մխիթարյանի գլխավորությամբ ստացել է 3 659 ձայն, ընտրողների՝ 7,94%-ը, «Մայր Հայաստան» դաշինքը՝ Կարեն Սիմոնյանի գլխավորությամբ՝  2 844 ձայն, ընտրողների՝ 6,18%-ը։

Ռուբեն Մխիթարյանն ու Կարեն Սիմոնյանն արդեն  հայտարարել են, որ միանալու են Վարդան Ղուկասյանին՝ քվեարկելով նրա օգտին, սակայն Մարտուն Գրիգորյանն առայժմ հայտարարություն չի արել։

Մարտուն Գրիգորյանի վերաբերյալ Վարդան Ղուկասյանն ասաց․«Հուսով եմ, որ մենք՝ բոլորս ինչ որ պայմանավորվել ենք մինչև ընտրությունները․․․ես ասել եմ՝ եթե ինձանից մեկը շատ ձայն հավաքի, կմիանամ իրեն, առանց պաշտոնի ակնկալիքով։

Հուսով եմ՝ Մարտուն Գրիգորյանն ինչ ասել է, ինչն էլ  որ պակաս է եղել, կարող ենք նստել բանակցել։ Ես ոչ մեկին թշնամու աչքով չեմ նայում, որքան էլ վերադաս կառույցները փորձեցին խառնել Գյումրին ու որոշակի բաներ կարողացան կազմակերպել, բայց ես ասել եմ, որ թշնամի չունեմ հայ ժողովրդի մեջ»։

Վարդան Ղուկասյանը վստահեցրեց՝ երեկվանից որևէ բանակցություն չի եղել Մարտուն Գչիգորյանի հետ․«Չենք տեսնվել, առիթ չի եղել։ Բայց իր ազգի, հարազատների հետ հարգանք կա, բան կա, ոխերիմ թշնամիներ չենք,  ոչ էլ էս խոսքերն ասում եմ, որ գիետք՝ փափուկ․․․ որ մարդիկ բան անեն, ճիշտն եմ ասում»։

Հարցին՝ եթե Մարտուն Գրիգորյանը չմիանա, կստացվի, որ համայքնի ղեկավար ավագանին չի կարողանալու ընտրել, ի՞նչ է անելու ըննդդիմությունը, Ղուկասյանը պատասխանեց՝«Հլը պիտի իրոք համոզվեմ, որ Մարտուն Գրիգորյանը չի միանա ընդդիմությանը, դրանից հետո հատարարություն կանենք, թե ով է  նպաստում ՔՊ-ին։ Էս պահին չեմ կարող այդ հարցին պատասխանել, չգիտեմ իրենց կարծիքը։ Ինքը հանրայնորեն ասել է, որ անպայման միանալու են, ընդդիմադիր դաշտը միասին է լինելու ու ՔՊ-ն չի անցնելու»։

Մեկ այլ հարցին եթե Մարտուն Գրիգորյանն ինքն առաջադրվի, ի՞նչ եք անելու, Վարդան Ղուկասյանը պատասխանեց․«Նախ իմ ձայները բոլորից բարձր է ընդհանուր առմամբ։ Աշխարհում չգիտեմ դեպք, որ ովքեր շատ ձայն են ունեցել գնան միանան քիչ ձայն ունեցողին։ Մարտուն Գրիգորյանը ավագանիում վեց անդամ ունի,  սպասում ենք իրեն»։

Հստակեցնող հարցին՝ հանուն Գյումրու, հանուն նրա, որ ՔՊ-ն իշխանություն չլինի Գյումրիում, չե՞ք միանա Մարտուն Գրիգորյանին, որպեսզի ինքը լինի քաղաքապետ, Ղուկասյանն ասաց, որ հիմա պատրաստ չէ այդ հարցին պատասխանել․«Մինչև չհամզովեմ, թե ինչ է կատարվում»։

Եթե ընդդիմությունը միավորվի, պատրա՞ստ եք փոխքաղաքապետերի, վարչության պետերի պաշտոնները տալ մյուս ընդդիմադիր ուժերին, այս հարցին ի պատասխան էլ Ղուկասյանն ասաց․«Փոխքաղաքապետի պաշտոնը՝ ոչ, բայց մնացած որ պաշտոնը որ պետք է, մենք պատրաստ ենք տալ»։

Նա նաև հավելեց․«Եթե նայում եք Մարտուն Գրիգորյանի բոլոր ունեցվածքի տակ գրված է՝ Վարդան Ղուկասյան։ Ինչ որ իրենք սեփականություն որ ունեն, ոչ միայն իրենք, իր հորեղբայրները, իր թաղի ժողովուրդը, մնացածը․․․ Նվեր չեմ արել, մարդիկ ուզեցել են քաղաքում ներդրում անել, ով ուզեցել է, ես չեմ նայել սա ինձ ընդդիմություն է, ես բոլորին, ինչ որ կա էս քաղաքում, իմ տվածն է, և տակը գրված է՝ շինթույլտվություն Վարդան Ղուկասյան, ավարտական ակտ՝ Վարդան Ղուկասյան»։

Մանրամասն՝ տեսանյութում