Խոզնավարի և Վաղատուրի դպրոցները կփակվեն․ այդ գյուղերի երեխաները ստիպված կլինեն հասնել Խնածախ
Կառավարության որոշմամբ Տեղ համայնքի Խոզնավար և Վաղատուր գյուղերի դպրոցները կփակվեն։ Խնածախ գյուղի եռահարկ բարեկարգ շենքը կփոխարինվի նոր կառուցվող դպրոցով, որտեղ կրթություն կստանան սահմանամերձ 3 բնակավայրերի աշակերտները։ Գյուղերի բնակիչները համաձայն չեն այս որոշման հետ։
Խոզնավարի դպրոցի ուսուցիչ Արևիկ Մգրդունցի խոսքով՝ դպրոցների միացումը կդատարկի սահմանամերձ գյուղերը, երիտասարդներն ավելի շուտ կլքեն գյուղերը, քան թույլ կտան ամեն օր թշնամու դրոշի տակով երեխաները հասնեն Խնածախ։
Վաղատուրի վարչական ղեկավար Հովհաննես Հովհաննիսյանը նույնպես մտահոգ է, ըստ նրա, գյուղը լուրջ խնդրի առջև կկանգնի։
Հարցին դրականորեն է նայում միայն Խնածախի վարչական ղեկավար Սեյրան Միրզոյանը։ Մինչ աշակերտներն ընդդիմանում են, ծնողները բողոքում, իսկ տնօրենը մտածում, Խնածախում արդեն սկսվել են դպրոցի կառուցման աշխատանքները, որի համար կծախսվի մոտ 1.5 մլրդ դրամ։
Մանրամասները՝ տեսանյութում։
