Ջանֆիդա և Փշատավան․ ինչ խնդիրներով են մտահոգ սահմանամերձ հարևան գյուղերում
Արմավիրի մարզի Ջանֆիդա և Փշատավան գյուղերը գտնվում են Արաքս գետի ձախ ափին, մարզկենտրոնից համապատասխանաբար 13 և 14 կմ հեռավորության վրա։
Փշատավանն ունի մոտ 2500 բնակիչ, Ջանֆիդան՝ 3360։ Այդ բնակավայրերում կան նաև ազգությամբ եզդի բնակիչներ։ Տարածաշրջանում հիմնականում զարգացած է այգեգործությունը, դաշտավարությունը, անասնապահությամբ քչերն են զբաղվում։
Աշխատող, արարող մարդիկ են, սակայն ոլորտի խնդիրները շատ են․ իրացման հետ կապված դժվարությունները, կարկուտի հասցրած վնասներն ու անհամաչափ փոխհատուցումը, վարկերի բարձր տոկոսադրույքները, վառելիքի, պարարտանյութերի օրեցօր աճող գները և այլն։
Հարևան բնակավայրերում ընդհանրությունները շատ են, զբաղվածությունը՝ նույնը, խնդիրներն ու ակնկալիքները՝ նույնպես։ REGIONS TV-ի նկարահանումների ժամանակ միայն մեկ դեպքում էր տարաձայնությունն ակնհայտ՝ հնարավոր բաց սահմանների և թուրքերի հետ հարաբերությունների կարգավորման հարցում։
Մանրամասները՝ տեսանյութում։
