Ձերբակալվել են Երևանի քաղաքապետարանի պաշտոնյաներ
Փետրվար 05,2025 17:00
Գործը քննվում է հակակոռուպցիոն կոմիտեում
«Ձերբակալվել են Երևանի քաղաքապետարանի աշխատակիցներ։ Քաղաքապետարանը համագործակցում է իրավապահ մարմինների հետ՝ օրենքով սահմանված ընթացակարգերին աջակցելու նպատակով», -այս մասին այսօր հայտարարել է Երևանի քաղաքապետի մամուլի խոսնակ Հայկ Կոստանյանը։
Գործը քննվում է հակակոռուպցիոն կոմիտեում, կան ձերբակալվածներ, որոնց թվում են նաև Երևանի քաղաքապետարանի պաշտոնյաներ՝ քաղաքաշինության և հողի վերահսկողության վարչության նախկին պետը՝ Ռ․ Դ․-ն, քաղաքաշինության և հողի վերահսկողության վարչության պետի տեղակալ՝ Ա. Ա.-ն, քաղաքաշինության և հողի վերահսկողության վարչության տարածքային 2-րդ բաժնի պետ Մ․ Ղ․-ն, հասարակական կարգի պահպանության ծառայության պետ՝ Ա․Գ․-ն։
