Ինչպիսի՞ եղանակ է սպասվում հանրապետությունում
Փետրվար 19,2025 08:30
Հանրապետության տարածքում`
Փետրվարի 19-ի գիշերը սպասվում է առանց տեղումների եղանակ: Փետրվարի 19-ի ցերեկն առանձին շրջաններում, 20-23-ը շրջանների զգալի մասում սպասվում է ձյուն, 20-21-ն առանձին հատվածներում՝ շատ ուժեղ, լեռնային առանձին շրջաններում՝ բուք, ցածր հորիզոնական տեսանելիություն։
Քամին՝ հարավարևելյան՝ 2-5 մ/վ, փետրվարի 18-19-ը սպասվում է քամու ուժգնացում՝ 20-25 մ/վ, 20-21-ին՝ 15-18 մ/վ արագությամբ։
Օդի ջերմաստիճանը փետրվարի 20-22-ը և՛ գիշերը, և՛ ցերեկն աստիճանաբար կնվազի 10-14 աստիճանով։
Երևան քաղաքում`
Փետրվարի 19-ի գիշերը սպասվում է առանց տեղումների եղանակ: Փետրվարի 19-ի կեսօրից հետո, 20-23-ը սպասվում է ձյուն, 20-21-ը՝ շատ ուժեղ:
Երևան քաղաքի փետրվարի 19-ի բազմամյա կլիմայական տվյալներ.
- Օդի առավելագույն ջերմաստիճան` 16.1°C (1960թ.)
- Օդի նվազագույն ջերմաստիճան` -21°C (2017թ.)
- Օդի միջին օրական ջերմաստիճան` 0.4°C
