ՀՀ ԱԳՆ-ն հրաժարվել է մեկնաբանել վարչապետի կնոջ արտահայտությունները դիվանագետների հասցեին
Փետրվար 25,2025 12:03
ՀՀ ԱԳՆ-ն հրաժարվել է մեկնաբանել վարչապետի կնոջ՝ Աննա Հակոբյանի վիրավորական արտահայտությունները դիվանագետների հասցեին։ Օրեր առաջ Աննա Հակոբյանը սոցցանցերում հրապարակում էր արել և հայ դիվանագետներին բնութագրել որպես «քայլող, խոսող, շնչող-արտաշնչող մի մեծ բարդույթ։ Անվստահ, միշտ շփոթված, առանց հստակ պատկերացման, հստակ տեսլականի»։
«Որևէ հարցման պատասխան տրվում է բացառապես բարձրացված թեման և մեջբերումները հաստատող սկզբնաղբյուրի առկայության դեպքում»,- նշել են ԱԳՆ-ից Sputnik Արմենիայի հարցմանն ի պատասխան։ ԱԳՆ-ում նաև չեն պատասխանել հարցին, թե նախատեսո՞ւմ են արդյոք օգտագործել Աննա Հակոբյանի կազմած դիվանագիտական էթիկետի ուղեցույցը։
Աղբյուր՝ Sputnik Արմենիա
