Թրամփի վարչակազմը հայտարարել է, որ դադարեցնում է USAID-ի և Պետքարտուղարության արտաքին օգնության պայմանագրերի ավելի քան 90%-ը
Թրամփի վարչակազմը կրճատում է ԱՄՆ արտաքին օգնությունն ամբողջ աշխարհում շուրջ 60 միլիարդ դոլարի չափով՝ կրճատվում է մարդասիրական օգնության և զարգացման ծրագրերի ֆինանսավորումը
ԱՄՆ նախագահ Դոնալդ Թրամփի վարչակազմը հայտարարել է, որ դադարեցնում է Միջազգային զարգացման գործակալության (USAID) և Պետքարտուղարության արտաքին օգնության պայմանագրերի ավելի քան 90%-ը։ Այս մասին հայտնում է Associated Press (AP) լրատվական գործակալությունը։
Լրատվամիջոցը գրում է, որ Թրամփի վարչակազմը կրճատում է ԱՄՆ արտաքին օգնությունն ամբողջ աշխարհում շուրջ 60 միլիարդ դոլարի չափով՝ կրճատվում է մարդասիրական օգնության և զարգացման ծրագրերի ֆինանսավորումը։
Նշվում է, որ այս որոշումը կայացվել է ԱՄՆ դատարանի վճռից հետո, որը պարտավորեցրել է վերացնել արտաքին օգնության ֆինանսավորման արգելքը մինչև փետրվարի 26-ի վերջնաժամկետը: Մինչդեռ ԱՄՆ գերագույն դատարանը բավարարել է Թրամփի վարչակազմի պահանջը՝ արգելափակել ավելի ցածր ատյանի դատարանի որոշումը։
